Mendebaldea (kultura)

Mendebaldea edo Sartaldea Lurreko kultura- zein geopolitika-arloko eremu historiko zabal bat da, ondorengo lur hauek barne hartzen dituena: Amerika osoa; Mendebaldeko, Iparraldeko eta Erdialdeko Europa (gehi Grezia eta Zipre); eta Australia eta Zeelanda Berria. Hemisferio hegoaldeko herrialdeak, bereziki latinoak, sarritan ez dira kategoria honetan sailkatzen.

Kontzeptu eurozentriko honen sustraiak greko-erromatar zibilizazioan eta kristautasunaren zabalkundean daude. Mendebalde edo Sartaldeari kontrajartzen zaio Ekialdea edo Sortaldea.