Mirra

Mirra (latinezko myrrha, grezierazko μύῤῥα hitzetik etorria) gomaz eta erretxinaz osatutako gaia da, gorria, urrintsua eta mingotsa^[1]. Ipar-ekialdeko Afrikan, Arabian eta Turkian bizi den Commiphora generoko hiru zuhaitzen azaletik ateratzen da^[2]; hasieran goma-antzeko erretxina da baina, lehortutakoan, hauts bilakatzen da.

Antzinean preziatua zen oso, lurrinak, intsentsu, ukenduak eta papiroen tintak egiteko erabiltzen baitzen.^[3] Egun, oraindik antiseptiko moduan erabiltzen da.

1. ↑ Lur entziklopedietatik hartua.
2. ↑ Rice, Patty C.. (2006). Amber: Golden Gem of the Ages. Bloomington: Author House, 321 or..
3. ↑ Dalby, Andrew. (2000). Dangerous Tastes: The Story of Spices. Londres: British Museum Press, 107-122 or. ISBN 0-7141-2720-5..