Mobiola

Mobiola filmak moztu, ordenatu eta itsasteko tresna da. Irudia ez ezik, hotsa landu eta irudiarekin sinkronizatu ere egiten du. Izena tresna merkaturatu zuen aurreneko markarena da berez; harrezkero irudiak berrikusteko tresna guztiei mobiola deitu zaie.^[1] Iwan Serrurierek asmatu zuen 1917an etxe proiektore moduan. Oso garestia zen eta gutxi saldu zituen. 1924an edizio-makina bilakatu eta Douglas Fairbanksek lehendabizikoa erosi zuen. Harrezkero, ekoiztetxe guztiek berea lortu zuten: Universal Studios, Warner Brothers, Charles Chaplin Studios, Buster Keaton Productions, Mary Pickford, Mack Sennett edota Metro-Goldwyn-Mayerrek.^[2]

1. ↑ Lur entziklopedietatik hartua.
2. ↑ Abbott, Denise. Industry mourns entrepeneur Mark Serrurier. city-net.com.