Myanmarko Egutegi Tradizionala

Myanmarko egutegia edo birmaniar egutegia Myanmarren erabilitako egutegi tradizionala da. Birmaniar era (birmanieraz: သက္ကရာဇ်, [θɛʔkəɹɪʔ] ahoskatua) erabiltzen du. Eguzki-ilargi egutegia da, non hilabeteak Ilargiaren arabera ezartzen diren baina urteak urte sideralak diren. Egutegia, batez ere, hindu egutegian oinarrituta dago, baina ez Indiako sisteman, ziklo metonikoa erabiltzen duelako. Egutegiak, beraz, egutegi hinduistaren urte siderala eta urte tropikaleko ziklo metonikoak batu behar ditu, hilabete eta egunak tartekatuz modu irregularrean.

Sri Ksetra erresumak ezarri zuen 640. urtean, eta Myanmarreko hainbat estatutan etengabe erabili dute geroztik. Arakan, Lan Na, Xishuangbanna, Lan Xang, Siam eta Kanbodian ere erabili da XIX. mendera arte.