Osakidetza

Osakidetza - Euskal Osasun Zerbitzua
Osakidetzaren egoitza (Bilbo)
Sektorea	Osasuna
Sorrera	1984
Sortzailea	Eusko Jaurlaritza
Egoitza	Araba kalea 45, 01006 Gasteiz
Presidentea	Gotzone Sagardui (Osasun Sailburua) Maria Jesus Mugika Anduaga (Zuzendari nagusia)
Webgunea	www.osakidetza.eus
Kronologia
INSALUD Osakidetza

Osakidetza - Euskal Osasun Zerbitzua (edo besterik gabe Osakidetza)^[1] Euskal Autonomia Erkidegoko osasun zerbitzu publikoa da, 1984an Espainiako Gobernuak Eusko Jaurlaritzari Osasun eskumena igarotzean sortutakoa, Carlos Garaikoetxea lehendakari zela, Eusko Jaurlaritzaren erakunde autonomo gisa. Gerora, ekainaren 26ko 8/1997 Legearen bidez, Eusko Jaurlaritzaren zuzenbide pribatuko ente publikoa izatera igaro zen (nagusiki zuzenbide pribatuaren arabera jarduten duen erakunde-mota).

Espainiako Osasun Sistema Nazionalaren parte da (1986an sortu zen); harez geroztik, Euskal Autonomia Erkidegoan INSALUD (Instituto Nacional de la Salud) entitate publikoa ordezkatzen du. Arduradun nagusia Eusko Jaurlaritzako Osasun sailburua da eta Osasun Sailera atxikita dago.

1. ↑ Osakidetzaren webgunea: Antolaketa