Artikulu hau energia elektrikoaren sorkuntza, garraio eta banaketa sareari buruzkoa da; Erabilera orokorreko hornidura elektrikoa gaitzat duena beste hau da: «Hornidura elektriko»
Sare elektriko baten diagrama. Tentsioak eta linea elektrikoen ezaugarriak Alemaniako eta Europako beste sistema batzuetako balio tipikoak dira.
Sare elektriko bat hornitzaileetatik erabiltzaileetara energia elektrikoa eramateko beharrezko diren instalazio elkarkonektatuen sare bat da.
Hiru elementu nagusi dira sare elektrikoa osatzen dutenak:
Energia sortzea. Energia elektrikoa zentral elektrikoetan sortzen da; oinarrizko energia batetik ateratakoa da; sortutakoan sarera bidaltzen da. Zentral elektrikoetan potentzia handietan sortzen da. Gaur egun gero eta energia berriztagarri puntuak sortzen hari dira (autokontsumokoak direnak batez ere), toki gehienak etxebizitzetako teilatuak izaten hari dira eguzki panelez beteak.[1]
Vitoria-Gazteis - Olarizu - Azpiestazio elektrikoaAzpiestazio elektrikoa. Sare elektriko barnean tentsioak edo maiztasuna ere aldatzeko gai diren instalazioak dira. Beste gaitasun bat dauzkatena beste sareekin konexioak egin dezakete. Horrenbeste, bi azpiestazio mota ezagutzen dira:
Transformaziozkoak. Tentsioa zein maiztasuna aldatzeko gai dira. Azpiestazio hauetan elementurik garrantzitsuena transformadorea da, zeren tentsio aldaketa egiten duen elementua da.
Konexiozkoak. Bi zirkuitu edo gehiago konektatzen dituen instalazioak dira. Azpiestazio mota hauetan aldera, elementurik garrantzitsuenak etengailuak eta ebakigailuak dira.[2]
Sareak. Hauek duten helburua energia garraitzea da, hau da, energia sortzen den puntutik azkenengo kontsumitzaileenganaino eramatea da helburua. Horretarako bi sare mota desberdin daude, bata distantzia handietarako eta bestea distantzia txikietarako baitira.
