Thomas Jonathan "Stonewall" Jackson (Clarksburg, Virginia, 1824ko urtarrilaren 21a - Guinea, Virginia, 1863ko maiatzaren 10a), estatubatuar militar bat izan zen, AEBetako Gerra Zibilan Armada Konfederatuaren jenerala izan zen (1861-1863).
Ekialdeko Frontean ezinbesteko papera izan zuen, hainbat gudutan konfederatuen garaipena lortzearen arduradun, horregatik ziur aski Robert E. Lee jeneralaren ondoren konfederatuen artean estima eta ospe gehien zuen ofiziala zen. Bere ospea Manassasko lehen guduan bereganatu zuen, baita "Stonewall" ("Harrizko Horma") ezizena ere. Zoritxarrez, konfederatuentzat, 1863an Chancellorsvilleko guduan jasotako zaurien ondorioz hil zen, horrek konfederatuek gerra irabazteko aukera ugari murriztu zituen, Armada Konfederatuaren militar eskarmentudun eta eraginkorrenetakoa izateaz gain, bere soldaduak nonnahi jarraitzeko ahalmena eta karisma handia baitzuen. Gazterik, 39 urterekin hil zen, horrek bere mitifikazioari mesede egin zion.
![]() |
Wikimedia Commonsen badira fitxategi gehiago, gai hau dutenak: Stonewall Jackson ![]() |
© MMXXIII Rich X Search. We shall prevail. All rights reserved. Rich X Search