Thomas Jeffrey Hanks (Concord, 1956ko uztailaren 9a - ) Estatu Batuetako aktorea da, bitan Gizonezko aktore onenaren Oscar sariaren irabazlea[1].
1978an New Yorkera joandakoan hasi zen aurrekontu txikiko filmetan lehen paperak eskuratzen. Ron Howardek eman zion lehen protagonista papera Splash komedian. Filma arrakastatsua izan zen, eta Hanksi komediarako paper gehiago bidaltzen zioten: Nothing in Common (1986) edo Big (1988). Kritikagileen artean arrakasta beranduxeago etorri zitzaion, 1993an Sleepless in Seattle komedia erromantikoarekin, baina batez ere Philadelphia dramarekin. Film honi esker lehen Oscar lortu zuen Hanksek[2]. Hurrengoa Forrest Gump filman antzeztutako paperak eman zion[3]. Hortik aurrera, Hanks Hollywoodeko aktore boteretsuenetakoa bihurtu zen[4]. Izan ere, bera agertzen den filmak ekonomikoki oso onak izaten dira.
© MMXXIII Rich X Search. We shall prevail. All rights reserved. Rich X Search