Txoria txori

Txoria txori
Mikel Laboaren, Joan Baezen, L'Arcusgiren, Etsaiaken, Angel Katarainen, Portobello Bonesen, Ester Formosaren, Gontzal Mendibilen, Maialen Errotabehereren, The Kelly Familyren, Kepa Junkeraren, Pablo Milanésen, Anne Etxegoienen, Battista Acquavivaren, Sonakayren, Salvador Sobralen, Moonshine Wagonen, Leire Villanuevaren eta Kalakanen musika-lana
Egilea(k)	Mikel Laboa, Joan Baez, L'Arcusgi, Etsaiak, Angel Katarain, Portobello Bones, Ester Formosa, Gontzal Mendibil, Maialen Errotabehere, The Kelly Family, Kepa Junkera, Pablo Milanés, Anne Etxegoien, Battista Acquaviva, Sonakay, Salvador Sobral, Moonshine Wagon, Leire Villanueva eta Kalakan
Argitaratze-data	1968
Ezaugarriak
Genero artistikoa	herri-kanta
Hizkuntza	euskara
Deskribapena
Honen parte da	Bat-Hiru (albuma)
Hitzak	Joxan Artze
Bestelako lanak
Musikagilea	Mikel Laboa

Txoria txori euskal poema eta abesti herrikoia da. Hitzak Joxean Artzek idatziak dira; doinua, berriz, Mikel Laboak sortua^[1]. Artzek, Donostiako Parte Zaharreko Juani Mendiola aktorearen Aurrera tabernan^[2], paperezko ezpainzapi batean idatzi zuen poema; Laboaren emazte Marisol Bastidari gustatu egin zitzaion; eta Mikel Laboak ezpainzapia etxera eraman eta musika jarri zion. Askatasun ukatuari egindako abestia da.^[3]

Lehendabizikoz Astoria antzokian jo zuenetik ospetsu bilakatu zen, izan ere, 2005eko Euskal Kanturik Onena saioan bosgarren hautatu zuten. Geroago ere bai, 'Euskal abesti herrikoien' artean 2. bisitatuena izan da Wikipedian (2015-2023).^[4]

Txoria txori kanta ederra da, baina horrek soilik ez du sortutako fenomenoa esplikatzen. Denis Laborde etnologoak aztertu du kantuaren fenomeno hori eta orokorrean Mikel Laboaren adierazkortasuna “Gutako bakoitzari hitz egin zion gizona. Txoria txori eta euskal kantuaren etengabeko asmakuntza” lanean.^[5] Laborderen ikerketaren arabera ezaugarri batzuk beharrezkoak dira halako fenomenoetan: erraza behar du izan kantatzeko eta, batez ere, gure belarritik eztarrira doan bide hori –erraiak tarteko– inongo oztoporik gabe egiteko ahala ukan. Taldeak berezko dituen promesak bideratzeko adostasuna berresten da honelako kantuak abestean.^[6]

• 
  Mikel Laboa
• 
  Ohore Artze eta Laboari (Proisa, Pasai San Pedro)
• 
  Motxiladun umeak (KGD)
• 
  Joxan Artze

1. ↑ «Txoria txori - Mikel Laboa» www.ehu.eus (Noiz kontsultatua: 2021-04-02).
2. ↑ (Gaztelaniaz) ««'Txoria txori' nació gracias a mi abuela»» El Correo 2018-10-28 (Noiz kontsultatua: 2020-04-22).
3. ↑ «Nola sortu zuten Artzek eta Laboak 'Txoria txori' abestia?»^{[Betiko hautsitako esteka]}, Tumatxak telebista saioko zati bat, EITB, 2013-09-11.
4. ↑ «Euskal abesti herrikoi bisitatuenak Wikipedian (Massviews Analysis)» pageviews.wmcloud.org (Noiz kontsultatua: 2023-08-10).
5. ↑ EGITARAUA Mikel Laboa gertutik: lekukoen txanda (2013ko urria) - Mikel Laboa Katedra - UPV/EHU. (Noiz kontsultatua: 2017-08-09).
6. ↑ Gorostidi, Juan. (2014). «Txoria txori» badok.eus (Noiz kontsultatua: 2017-08-09).