Vladimir Semionovitx Vysotski —errusieraz Влади́мир Семёнович Высо́цкий— (Mosku, Sobietar Batasuna, 1938ko urtarrilaren 25a - Mosku, Errusia, 1980ko uztailaren 25a) antzezlea, idazlea eta abeslaria izan zen. Satira politiko eta sozialak egin zituen batez ere, sobietar gizarteari buruzko jarrera ironiko eta kritikoa azaltzen dituztenak. 1960an antzezle profesional bihurtu zen, eta, antzerkirako lanez gainera, hogeita sei film egin zituen. Hala ere, idatzi zituen olerki eta abestiengatik da batez ere ezaguna. Ehunka olerki eta abesti idatzi zituen, eta antzerki eta zinemarako musika ere idatzi zuen. Bere jarrera kritikoa zela eta, Gobernuak ez zituen haren lanak ezagutzera eman, eta ezkutuko eta legez kanpoko grabazio, agerraldi eta abarri esker egin zen ezagun.
© MMXXIII Rich X Search. We shall prevail. All rights reserved. Rich X Search