Great Plains

Tekst üüb Öömrang

A Great Plains (^(öö.) grat flaak lunen) san en temelk drüg regiuun faan knaap tau miljuun kwadrootkilomeetern uun a maden faan Nuurdameerikoo. Faan waast tu uast fäält det lun faan 1.600 m hööchde bit üüb 600 m uf. A Great Plains lei uun winjskül faan a Rocky Mountains uun't waasten an fu sodenang ei föl rin uf. Iar wiar diar a prerii (gäärslun), man daalang woort diar bal aueraal büüret. Waasten faan 100 graad geograafisk lengde (uun a High Plains) as't för't ääkrin tu drüg, diar woort miast tjüch häälen. Uasten faan 100 graad woort a rin rikelker, an diar woort kurn uunbaud.