Bloedbad fan de Washita

Bloedbad fan de Washita (ûnderdiel fan 'e Komantsjekampanje) datum: 27 novimber 1868 plak: oan 'e Washita, yn westlik Oklahoma útkomst: Amerikaanske oerwinning; slachtpartij ûnder de Súdlike Sjajinnen konfliktpartijen Súdlike Sjajinnen Súdlike Arapaho Kajowa Feriene Steaten befelhawwers Swarte Tsjettel † Lytse Rots † George Armstrong Custer Joel H. Elliott † sterkte 150 krigers >100 froulju en bern 574 militêren ferliezen ±50 deaden ±50 ferwûnen 53 kriichsfinzenen 21 deaden 13 ferwûnen kaart Lokaasje fan it Bloedbad fan 'e Washita yn 'e Amerikaanske steat Oklahoma.

It Bloedbad fan de Washita of de Slach oan de Washita wie in foarfal dat plakfûn as ûnderdiel fan 'e Flakte-Yndiaanske oarloggen yn it Wylde Westen. Dêrby waard op 27 novimber 1868 it winterkamp fan 'e Súdlike Sjajinnen (Southern Cheyenne) fan opperhaad Swarte Tsjettel, oan 'e igge fan 'e rivier de Washita, by it hjoeddeiske Cheyenne, yn westlik Oklahoma, oanfallen en foar in grut diel útmoarde troch it Amerikaanske 7e Kavaleryrezjimint ûnder lieding fan luitenant-kolonel George Armstrong Custer. Skattings fan eachtsjûgen oangeande it tal Yndiaanske deaden rûnen útinoar fan 13 oant 150, en dêrby gie it foar in oansjenlik part om froulju en bern. Doedestiden waard de 'Slach oan de Washita' yn 'e Feriene Steaten beskôge as in wichtige oerwinning en de earste stap op 'e wei nei de ûnderwerping fan 'e opstannige Súdlike Sjajinnen. Tsjintwurdich wurdt it barren lykwols frij algemien as in oarlochsmisdie sjoen.