J.D. Salinger

J.D. Salinger
skriuwer
Portret fan J.D. Salinger
persoanlike bysûnderheden
echte namme	Jerome David Salinger
nasjonaliteit	Amerikaansk
berne	1 jannewaris 1919
berteplak	New York
stoarn	27 jannewaris 2010
stjerplak	Cornish
wurk
taal	Ingelsk
sjenre	roman
bekendste   wurk(en)	The Catcher in the Rye
jierren aktyf	1940-1965

J.D. Salinger (folút: Jerome David Salinger; New York, 1 jannewaris 1919 - Cornish, Nij-Hampshire, 27 jannewaris 2010) wie in Amerikaanske skriuwer, dy't wrâldferneamd waard mei syn kontroverzjele debútroman The Catcher in the Rye ('De fanger yn de rogge') út 1951. Rillegau mijde er de media en bleau er tige op himsels. Syn lêste wurk ferskynde yn 1965 en hy joech syn lêste ynterview yn 1980.

Salinger hat by syn libben mar sa'n 35 ferhalen útbrocht, mar dochs jildt er as ien fan de meast lêzen en besprutsen Amerikaanske skriuwers fan nei 1945.

De ynfloed fan Salinger op oare skriuwers (Philip Roth, John Updike, Aimee Bender) is grut. Mei troch it isolemint dat er sels keas, krige syn literêr talint benei mytyske foarmen yn guon fermiddens.