Kent is in greefskip (county) yn de Ingelske regio Súdeast-Ingelân, dat nei alle gedachten yn 'e earste helte fan 'e 10e iuw oprjochte is. It telt 1.406.600 ynwenners (2008) en it oerflak is 3544 km2. De haadstêd is Maidstone.
It lânskip is heuvelich en út reden fan syn skientme wurdt Kent wol 'de tún fan Ingelân' neamd. In grut part fan it lânskip wurdt foarme troch de kalkrêch de North Downs, dy't yn it easten útrint yn de ferneamde krytrotsen fan Dover.
Troch it útwreidzhen fan de agglomeraasje Londen is it noardwesten fan it greefskip tige ferstedske en it ynwennertal tanaam.
Yn de iere midsiuwen wie it Keninkryk Kent in steat fan de Juten, ien fan de sân riken dy't wol dkend binne as de heptargy. De namme is fermoedlik ôflaat fan de Kentii, in Keltyske stam dy't yn dit gebiet tahâlde.
Kent's lizzing tusken Londen en the continent hat makke dat it yn de frontliny lei by ferskillende konflikten, foar it lêst wie dat yn de Twadde Wrâldkriich doe't de Slach om Ingelân boppe Kent útfjochte waard.
© MMXXIII Rich X Search. We shall prevail. All rights reserved. Rich X Search