The Walt Disney Company

The Walt Disney Company
algemien
hist. namme	Disney Brothers Cartoon Studio The Walt Disney Studio Walt Disney Productions
nasjonaliteit	Amerikaansk
type	publyk
sektor	multymedia, amusemint
haadkertier	Burbank (Kalifornje)
oprjochte	1923
oprjochter	Walt Disney en Roy O. Disney
eigner	oandielhâlders
fuortk. út	Laugh-O-Gram Films
dochters	sjoch ûnder difyzjes
sifers
omset	$48,8 miljard (2014)
winst	$8 miljard (2014)
wearde	$84,2 miljard (2014)
aktyf yn	de hiele wrâld
wurknimmers	180.000 (2014)
offisjele webside
thewaltdisneycompany.com

The Walt Disney Company (faak koartwei Walt Disney neamd, of noch koarter: Disney) is in Amerikaanske, ynternasjonaal operearjende korporaasje op it mêd fan media en amusemint. It bedriuw bestiet sûnt 1923, en it haadkertier is fêstige yn Burbank, yn súdlik Kalifornje. Disney begûn as in tekenfilmstudio, dêr't wrâldferneamde personaazjes as Donald Duck en Mickey Mouse betocht waarden, wylst der ek klassike animaasjes fan spylfilmlingte makke waarden, lykas Snow White and the Seven Dwarfs, Cinderella en Bambi. Sûnt de 1950-er jierren hat it bedriuw him lykwols útwreide nei oare wurkterreinen, lykas de produksje fan gewoane films, it meitsjen en útstjoeren fan tillefyzjeprogramma's, it eksploitearjen fan ferdivedaasjeparken en merchandising fan konsuminteguod op basis fan ferhalen, films en personaazjes dêr't Disney de auteursrjochten op yn besit hat.