Traktaat oer de Weropstanning

It Traktaat oer de Weropstanning is in algemien as apokryf beskôge kristlike religieuze tekst, besibbe oan it Nije Testamint fan 'e Bibel. It is in gnostysk geskrift dat yn desimber 1945 fûn waard troch twa boeren by it Egyptyske Nag Hammady, dêr't it mei in stikmannich oare gnostyske teksten, wêrûnder it folle bekendere Evangeelje fan Tomas, yn in krûk bedobbe lei. It wurdt somtiden ek wol it Brief oan Rheginos neamd, mei't it de foarm hat fan in brief, dat in beskie liket te wêzen op fragen oer de weropstanning dy't oan 'e anonime skriuwer steld wiene troch in Rheginos. It Traktaat oer de Weropstanning wurdt ornaris datearre yn 'e iere twadde iuw.