Walloanje

Dit artikel is in stobbe oer provinsje. Jo wurde útnûge en foegje jo witten hjir ta.

Walloanje (Frânsk: Wallonie) is it súdlike lânsdiel fan Belgje dêr't benammen Frânsk (en in bytsje Dútsk yn de provinsje Luik - de Dútsktalige Mienskip) sprutsen wurdt, wylst de fiertaal yn it noardlike part Flaanderen Nederlânsk is. De offisjele namme is it Waalsk Gewest (Frânsk: Région wallonne) en de ynwenners wurde Walen neamd. De Frânske Mienskip soarget foar taalkundige saken en omklammet ek de Frânsktaligen yn it Brusselsk Haadstedsk Gewest. Yn Walloanje binne it Waalsk Gewest en de Frânske Mienskip net gearfoege.^[1] De haadstêd fan Walloanje is Namen (Namur), de haadstêd van de Frânske Mienskip is Brussel (Bruxelles).

It Waalsk Gewest hat neistenby 3.682.000 ynwenners (2023) ^[2] op in oerflak fan neistenby 16.901 km².^[3]

Walloanje omklammet de provinsjes:

1. Waalsk-Brabân (Brabant wallon) - haadstêd Waver (Wavre)
2. Henegouwen (Hainaut) - haadstêd Bergen (Mons)
3. Luik (Liège/Lüttich) - haadstêd Luik (Liège)
4. Lúksemboarch (Luxembourg) - haadstêd Aarlen (Arlon)
5. Namen (Namur) - haadstêd Namen (Namur)

1. ↑ Yn Flaanderen binne it Flaamsk Gewest en de Flaamske Mienskip gearfoege.
2. ↑ Loop van de bevolking, STATBEL
3. ↑ Bodembezetting volgens het Kadasterregister, STATBEL