Electro

O electro, tamén coñecido pola súa denominación en latín: electrum (do grego ἤλεκτρον; "ámbar"), é unha aliaxe de ouro e prata que se pode obter artificialmente ou atopar de forma natural. A súa gama de cor vai do amarelo pálido ao máis brillante, en función da proporción de ambos os metais na súa composición.^[1][2][3][4]

Xa na antigüidade, Plinio describíao cunha proporción dunha parte de prata por cada catro de ouro.^[5][6]

Aínda que xa nos textos antigos se testemuñan referencias ao electro como "ouro branco", cómpre non confundilo co significado que hoxe ten esa expresión, que é o da aliaxe de cor branca á base de ouro, prata, níquel, platino e paladio, moi utilizada en xoiaría.^[7][8][9]

1. ↑ Definición de electro no Dicionario de Galego de Ir Indo e a Xunta de Galicia.
2. ↑ Rossignol. (1863). Páxinas 364-65.
3. ↑ "Elektron". En Schulzki, Heinz-Joachim. Brill’s New Pauly.
4. ↑ "Electro". Kroustallis, S. K. (2008).
5. ↑ Plinio. Naturalis Historia 33.80-1
6. ↑ "Electrum, Electron". En Chisholm, Hugh, ed. (1911). Encyclopædia Britannica. 9 (11ª ed.). Cambridge University Press. Páxina 252.
7. ↑ Rossignol. (1863). Páxina 335.
8. ↑ Kroustallis, S. K. (2008). "Aleación de oro".
9. ↑ "L'électrum ou or pâle monnayé dans l'antiquité Arquivado 17 de febreiro de 2019 en Wayback Machine.". En Sacra Moneta.