Illas da Sociedade

As illas da Sociedade (Îles de la Société en francés) ou oficialmente Archipel da Société forman un arquipélago no Pacífico Sur, administrativamente forman parte da Polinesia Francesa. Crese que o arquipélago foi bautizado así polo capitán James Cook durante a súa primeira viaxe en 1769, supostamente na honra da Royal Society, o promotor da primeira expedición científica británica das illas. Con todo, Cook mesmo declarou no seu diario que chamounas "Sociedade porque unha estaba contigua á outra.^[1]

As illas convertéronse en protectorado francés en 1843 e en colonia en 1880. Tiñan unha poboación de 235.295 habitantes en 2012, cubrindo unha superficie duns 1.593 quilómetros cadrados.

Non existe un nome tahitiano para o arquipélago e utilízase a transcrición fonética T´taiete a partir do inglés Society.

As illas están divididas xeográfica e administrativamente en dous grupos. De leste a oeste son:

• Illas do Vento (Îles du-Vent):
  • Mehetia.
  • Tahití, onde está Pape´ete, a capital.
  • Moorea.
  • Maiao.
  • Tetiaroa.
• Illas de Sotavento (Îles Sous-le-Vent):
  • Huahine.
  • Raiatea.
  • Tahaa, comparte a mesma coroa de coral con Raiatea.
  • Bora Bora.
  • Tupai (Motu Iti).
  • Maupiti.
  • Maupihaa (Mopelia).
  • Manuae (Scilly).
  • Motu One (Bellinghausen).

1. ↑ Horwitz, Tony. Oct. 2003, Blue Latitudes: Boldly Going Where Captain Cook Has Gone Before, Bloomsbury, ISBN 0-7475-6455-8