Libia

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde setembro de 2016.)

Libia

دولة ليبيا (ar)
Bandeira Brasón
Himno	Líbia, Líbia (pt)
Localización
27°N 17°L / 27, 17Coordenadas: 27°N 17°L / 27, 17
Capital	Trípoli
Contén a división administrativa	Al Butnan (pt) Al Jabal al Akhdar (pt) Al Jifarah (pt) ../... 27+
Poboación
Poboación	6.678.567 (2018) (3,8 hab./km²)
Lingua oficial	Lingua árabe
Xeografía
Parte de	África do Norte
Superficie	1.759.541 km²
Bañado por	Mar Mediterráneo
Punto máis alto	Bikku Bitti (pt) (2.267 m)
Punto máis baixo	Sabkhat Ghuzayyil (en) (−47 m)
Comparte fronteira con	Exipto Chad Níxer Alxeria Sudán Tunisia Oriente Medio
Datos históricos
Precedido por	Líbia Era Muammar al-Gaddafi (pt)
Cronoloxía 15 de agosto de 1551:  Tripoli Eyalet (en) 24 de decembro de 1951:  Reino de Libia 1 de setembro de 1969:  Libyan Arab Republic (en) 2 de marzo de 1977:  Líbia Era Muammar al-Gaddafi (pt)
Organización política
Forma de goberno	república
• Chairman of the Presidential Council (en)	Mohamed al-Menfi (pt) (2021–)
• Prime Minister of Libya (en)	Abdulhamid Dabaiba (pt) (2021–)
Órgano lexislativo	Câmara dos Representantes da Líbia (pt) , (Escano: 200)
Membro de	Unión do Maghreb Árabe Fondo Monetario Árabe Banco Africano de Desenvolvemento ../... 23+
PIB nominal	39.798.423.941 $ (2021)
Moeda	dinar líbio (pt)
Identificador descritivo
Fuso horario	UTC+02:00 Horario do leste de Europa Africa/Tripoli (en)
Dominio de primeiro nivel	.ly
Prefixo telefónico	+218
Teléfono de emerxencia	190 (en) , 191 (pt) e 193
Código de país	LY

Libia^[1] (en árabe: ‏ليبيا‎ Lībiyā, en bérber: Libya), é un país situado na rexión do Magreb no Norte de África. Ás beiras do mar Mediterráneo ao norte, Libia limita con Exipto ao leste, Sudán ao sueste, Chad e Níxer ao sur, e Alxeria e Tunisia ao oeste^[2]. Na Grecia antiga, o termo Libia era utilizado nun senso máis amplo, comprendendo toda África do Norte ao oeste de Exipto.^[3]

Cunha área de ao redor de 1 800 000^[4] quilómetros cadrados, Libia é o cuarto país máis grande de África por área e o décimo sétimo do mundo. A súa capital, Trípoli, acolle a 1,7 millóns dos 6,4 millóns de cidadáns libios. As tres partes tradicionais do país son Tripolitania, Fezzan e a Cirenaica.^[5] Libia posúe ademais o maior Índice de Desenvolvemento Humano (IDH) e o cuarto maior PIB per capita de África en 2009, só detrás das Seychelles, Guinea Ecuatorial e Gabón.^[6] Isto é debido principalmente ás súas reservas petrolíferas e á súa baixa poboación^[7]. Libia é un dos dez maiores produtores de petróleo mundiais. Conseguindo a súa independencia como Reino de Libia en 1951^[8], o estado estivo gobernado dende 1969 até 2011 por Muammar al-Gaddafi, que chegara ao poder nun golpe militar e instaurara a Jamahiriya, teorizada polo propio Gaddafi.^[4]

A mediados de febreiro de 2011, protestas e manifestacións masivas estouparon en Libia contra o goberno de Gaddafi, estourando unha guerra civil. O 26 dese mesmo mes, as forzas Anti-Gaddafi informaron que tiñan baixo o seu control varias vilas costeiras e cidades e o día seguinte, o 27 de febreiro, crearíase un organismo coñecido como Consello Nacional Libio para actuar como o "rostro político da revolución", o cal foi recoñecido o 16 de setembro do mesmo ano como único representante legal do estado.^[5]

1. ↑ Definicións no Dicionario da Real Academia Galega e no Portal das Palabras para libio.
2. ↑ "Cartografia general de referencia y toponimia" (PDF). Instituto Geográfico Nacional (en Castelán). Consultado o 13/02/2021. 
3. ↑ Lewis, Charlton T.; Short, Charles. "A Latin Dictionary". perseus.tufts.edu (en Inglesa). Consultado o 13/02/2021. 
4. ↑ ^{4,0 4,1} Guía del Tercer Mundo. El mundo visto desde el sur. Montevideo - Uruguai: Instituto del Tercer Mundo. 2005. p. 359 -360. ISBN 9974-574-43-9. 
5. ↑ ^{5,0 5,1} "Fichas país Libia" (PDF). Ministerio de Asuntos Exteriores, Unión Europea y Cooperación de España. Consultado o 13/02/2021. 
6. ↑ "Informe sobre Desarrollo Humano 2009". undp.org. Consultado o 14/02/2021. 
7. ↑ "Libya". Britannica (en inglés). Consultado o 14/02/2021. 
8. ↑ "Idris I". Britannica (en inglés). Consultado o 14/02/2021.