Coordenadas: 1°28′09″S 78°49′03″O / -1.4691666666667, -78.8175
Chimborazo | |
---|---|
![]() | |
Rexión | Ecuador |
Montaña | Andes |
Primeiro ascenso | 1880 por Edward Whymper, J. y L. Carrel. |
Tipo de volcán | Estratovolcán, inactivo |
O monte Chimborazo é o volcán máis alto de Ecuador. Está situado nos Andes centrais, 150 km ao suroeste de Quito.
En 1802 o barón Alexander von Humboldt, acompañado de Aimé Bonpland e o ecuatoriano Carlos Montufar, trataba de subir até o cume, pero tivo que volver a 5875 m a causa do "soroche" (malestar que se sente nas alturas por enrarecemento do ar).
O primeiro home que chegou ao cume foi Edward Whymper cos irmáns Louis e Jean-Antoine Carrel en 1880. Como houbo moitas persoas que dubidaban deste éxito, Whymper subiu outra vez, por un camiño diferente o mesmo ano que subiron dous ecuatorianos chamados David Beltrán e Francisco Campaña.
O Glaciar do Chimborazo é fonte de auga para a poboación das provincias ecuatorianas de Bolívar e Chimborazo. A capital de Bolívar, Guaranda (25.000 habitantes) é regada por vertentes provenientes do alto páramo (planicies áridas situadas por encima dos 4000 msnm) a uns 25 km da cidade.
Se ben é certo que o monte Everest é o máis alto da Terra con 8.848 metros sobre o nivel do mar; o Chimborazo con 6.310 m con relación ao nivel do mar; é co cumio máis afastado do centro da Terra.
A pesar da distancia entre Guayaquil e o volcán, en raras ocasións se adoita avistar, xeralmente en época invernal (decembro ~ abril). Pódese apreciar na foto á dereita, que foi tomada dende o norte de Guayaquil, xunto á pista do Aeroporto José Joaquín de Olmedo en febreiro de 2008.
Chimborazo é tamén o nome dunha provincia de Ecuador.
Simón Bolívar escribiu un poema inspirado polo volcán, chamado Mi delirio sobre el Chimborazo.
© MMXXIII Rich X Search. We shall prevail. All rights reserved. Rich X Search