Nabo

Nabo
Nabo (Brassica rapa subsp. rapa) in situ.
Clasificación científica
Reino: Plantae División: Magnoliophyta Clase: Magnoliopsida Orde: Brassicales Familia: Brassicaceae Tribo: Brassiceae Xénero: Brassica Especie: Brassica rapa Subespecie: B. r. rapa
Nome binomial
Brassica rapa L., Sp. Pl.¡¡, vol. 2, p. 666, 1753 [1]

O nabo (Brassica rapa subsp. rapa), é unha planta da familia das crucíferas ou brasicáceas (a familia das coles e os repolos) cultivada comunmente como hortaliza nos países de climas temperados de todo o mundo pola súa suculenta raíz napiforme, e tamén para o consumo das súas follas. As variedades de raíz tenra utilízanse para o consumo humano, mentres que as maiores se destinan a forraxe para o gando.

Os nabos son moi populares en Europa, en particular nas rexións máis frías, xa que se poden almacenar durante varios meses despois da colleita. Tamén poden crecer en forma silvestre. En Galiza foi un dos cultivos máis estendidos como indica a microtoponimia; hoxe en día o consumo humano da raíz (chamada comunmente carola^[1], cachola ou carocha ou tamén nabo^[2]) non é común, porén si seguen a ser moi populares as nabizas e grelos (follas e rebentos respectivamente da mesma planta).

1. ↑ Definicións no Dicionario da Real Academia Galega e no Portal das Palabras para carola. Consultado o 24 de febreiro de 2017.
2. ↑ Definicións no Dicionario da Real Academia Galega e no Portal das Palabras para nabo. (acepción 2)