Back Nikolaas II van Rusland Afrikaans ዳግማዊ ኒኮላይ Amharic Nicolau II de Rusia AN Nicholas II Russena Casere ANG نيقولا الثاني إمبراطور روسيا Arabic نيكولاى التانى ARZ Nicolás II de Rusia AST II Nikolay Azerbaijani ایکینجی نیکولای (روسیه) AZB Николай II Bashkir
Nicolao II de Rusia (en ruso: Николaй Алексaндрович Ромaнов, Nikolai Aleksandrovich Romanov), nado en San Petersburgo o 6 de maioxul./ 18 de maio de 1868greg. e finado en Ekaterimburgo o 17 de xullo de 1918, foi o último tsar de Rusia. Fillo de Alexandre III, gobernou desde a morte do seu pai, o 20 de outubroxul./ 1 de novembro de 1894greg., ata a súa abdicación o 2 de marzoxul./ 15 de marzo de 1917greg., cando renunciou no seu nome e no do seu fillo Aleksei e o trono pasou ao seu irmán, o gran duque Miguel. Durante o seu reinado viu como o Imperio ruso sufriu un desastre económico e militar. Foi alcumado Nicolao o Sanguinario polos críticos debido á Traxedia de Khodynka, o Domingo Sanguento e polos pogromos antisemitas que se produciron durante o seu reinado. Como Xefe de Estado, aprobou a mobilización de agosto de 1914 que marcou o inicio da primeira guerra mundial, a revolución e a consecuente caída da dinastía Romanov.
O seu reinado acabou coa súa abdicación trala Revolución de Febreiro de 1917, cando intentando volver do Cuartel Xeral de Mogilev á Petrogrado, foi detido en Pskov e foi obrigado a abdicar.[1] A partir de entón, o tsar e a súa familia foron apresados, primeiro no Palacio de Alexandre, en Tsarskoe Selo, despois na casa do gobernador de Tobolsk e finalmente na casa Ipatiev de Ekaterimburgo. Nicolao II, a súa muller Alexandra, os seus cinco fillos, o médico da familia e tres serventes máis foron executados no soto da casa polos bolxeviques na madrugada do 16 ao 17 de xullo de 1918. Este acto foi ordenado por Vladimir Lenin e o líder bolxevique Iakov Sverdlov.[2] Posteriormente, Nicolao II e a súa familia foron canonizados como mártires pola Igrexa Ortodoxa Rusa fóra de Rusia.
- ↑ Massie 2000, p. 412-413
- ↑ Massie 2000, p. 522
© MMXXIII Rich X Search. We shall prevail. All rights reserved. Rich X Search