Quilomicron

Os quilomicrons^[1] son un tipo de partículas globulares de lipoproteicas formadas por unha mestura de triglicéridos (85-92%), fosfolípidos (6-12%), colesterol (1-3%) e proteínas (1-2%).^[2] Transportan os lípidos da dieta desde os intestinos a outras partes do corpo. Os quilomicrons son un dos cinco grandes tipos de lipoproteínas, as de maior tamaño e menor densidade entre elas; as outras son as VLDL, IDL, LDL e HDL, as cales permiten o transporte de graxas e colesterol insolubles a través da solución de base acuosa do sangue. Os quilomicrons prodúcense nos enterocitos (células do epitelio intestinal que absorben os alimentos dixeridos) e pasan ao sangue.

1. ↑ BUSCatermos quilomicron, que dá como referencia: Vocabulario de medicina. Santiago de Compostela, Universidade / Consellería de Sanidade, 2008
2. ↑ M Mahmood Hussain: "Review Article: A proposed model for the assembly of chylomicrons"; Arterosclerosis; Vol. 148; 2000; pages 1-15 [1]