Real Oviedo

Real Oviedo
Real Oviedo
Nome	Real Oviedo, S.A.D.
Alcume(s)	Carbayones; Azules; Oviedín; Godos
Fundación	26 de marzo de 1926 (98 anos)
Estadio	Carlos Tartiere,; Oviedo, España
Inauguración	20 de setembro de 2000
Capacidade	30.500
Propietario	Grupo Carso
Presidente	Jorge Menéndez Vallina
Adestrador	Cuco Ziganda
Liga	Segunda División
2022–23	8.º
Vestimenta	Adidas
Na rede
	http://www.realoviedo.es/

O Real Oviedo é un equipo de fútbol da cidade de Oviedo (Asturias), fundado no 26 de marzo de 1926 da fusión de dous clubs que mantiveran pugna durante anos na cidade: o Real Stadium Club Ovetense e o Real Club Deportivo de Oviedo. É Sociedade anónima deportiva dende 1992 e o seu primeiro e máis emblemático presidente foi Carlos Tartiere.

Xogou durante 38 tempadas na Primeira División e 32 en Segunda División, e as súas cotas máximas foron tres terceiras posicións en Primeira División, unha Copa da Liga de Segunda División en 1985 e xogar a Copa da UEFA en 1991. Ademais, foi o primeiro equipo asturiano en xogar en Primeira, en 1933.

Actualmente xoga na Segunda División Española e o seu estadio, o novo Carlos Tartiere (c/ Ricardo Vázquez Prada, s/n 33013 Oviedo) con 30.500 localidades de asento, é o máis impresionante desa categoría debido a que se construíu mentres o equipo estaba en Primeira. Pese ao descenso no número de espectadores, a afección non abandonou completamente o seu equipo, establecendo o récord de socios (12.700) e de asistentes (27.000) a un partido de Terceira División, así como o de desprazados para un partido de devandita categoría en campo alleo (máis de 4.000).