Wikipedia:Criterios de notoriedade

Esta non é unha política ou norma oficial da Galipedia. Trátase dunha proposta que se debateu e/ou foi votada pero non resultou aprobada como tal. Por favor, use a páxina de conversa para propoñer cambios nesta proposta.

Esta páxina en resumo: Os artigos da Wikipedia deben tratar sobre temas notables, temas que teñen recibido cobertura significativa por parte de fontes fiables e que non están fóra do ámbito da Wikipedia. As evidencias verificables de fontes fiables axudan a determinar a notoriedade dun artigo.

A notoriedade dun artigo é o resultado da avaliación por parte dos editores para decidir se un tema concreto merece ou non ter un artigo de seu.

Aínda que Wikipedia non ten as limitacións de espazo dunha enciclopedia de papel, isto non significa que calquera tema sexa relevante ou teña interese enciclopédico ou que un artigo non deba axustarse a normas mínimas de redacción e estilo. Sobre os temas existe unha política de cumprimento obrigado e sobre a redacción e o estilo existe un manual de estilo. Con todo, cando non é posible avaliar de forma clara se un artigo cumpre estas políticas, poden chegar a considerarse como artigos sen relevancia aparente.

Existen motivos diversos polos que un artigo pode considerarse como «sen relevancia aparente», partindo da base de que non sexa posible avaliar de forma clara o seu contido ou a intención de desenvolver o tema tratado. Isto provocará por tanto que o artigo pase ó mantemento programado como forma de que, eventualmente, sexa borrado de Wikipedia no caso de confirmarse a falta de notoriedade. Por outra banda, naqueles casos onde sexa claro que o artigo debe ser borrado este trataráse seguindo as normas de eliminación rápida.