![]() | |
Profession: | Actor, director, anarchista, pacifista, diarista, poeta e dramaturgo |
---|---|
Pais: | Le Mundo |
Data de nascentia: | 4 de junio 1926 |
Sito de Nascentia: | Kiel, Germania |
Sito de Morte: | Englewood, New Jersey |
Data de morte: | 10 de april 2015 |
Sposos: | Julian Beck (maritate 1949 - su morte in 1985)
Hanon Reznikov (maritate 1988 - su morte in 2008) |
Infantes: | 2, includente Garrick Beck |
Honores: | Ph.D. honorari de Lehman College
Lola d'Annunzio award (1959) Page One Award (1960) Obie Award (1960, 1964, 1969, 1975, 1987, 1989, e 2007) Creative Arts Citation, Brandeis University (1961) Grand Prix du Théâtre des Nations (1961) Paris Critics Circle medallion (1961) Prix de L'Université de Paris (1961) New England Theater Conference Award (1962) Olympio Prize (1967) Guggenheim Fellowship (1985) |
Judith Malina (Kiel, Germania, 4 de junio 1926 - Englewood, New Jersey, SUA, 10 de april 2015) era un actor, director, anarchista, pacifista, diarista, poeta e dramaturgo.
Illa e su sposo Julian Beck era le co-directores del truppa theatral The Living Theatre (Le Theatro Vivente), que illes fundava in 1947. Post le morte de Beck in 1985, illa continuava a diriger le truppa, primo con su secunde sposo Hanon Reznikov como su co-director usque su morte in 2008, e postea sol.
Su patre era le rabbi Max Malina e su matre era Rosa ("Rosel") Malina, nascite Rosa Zamora. In 1929 illes e lor filia Judith emigrava ex Germania a New York pro fugir le antisemitismo german crescente.
In le cinema, su rolos como un actrice includeva Granmamma Addams, le granmatre del familia Addams (i.e. le matre de Gomez Addams e Fester Addams) in The Addams Family (1991), le matre de Sonny Wortzik (le parte de Al Pacino) in Dog Day Afternoon (1975), e un del patientes del neurologista Dr. Malcolm Sayer (le parte de Robin Williams, un version fictionalisate de Dr. Oliver Sacks) in Awakenings (1990). Como Dr. Sacks, cuje libro de memoria Awakenings era le base pro le film, Malina habeva prosopagnosia o "cecitate facial."
In 2004 illa era facite un membro del American Theatre Hall of Fame[1]. Su amicos e collaboratores artistic includeva Eric Bentley, Vinie Burrows, Joseph Campbell, Sheila Dabney, Maya Deren, Allen Ginsberg, Abbie Hoffman, Alan Hovhaness, Anaïs Nin, Dylan Thomas, Anne Waldman, e Peter Lamborn Wilson. Illa era alsi un amica de Sam Dolgoff, qui es un personage in su drama Here We Are (producite per The Living Theatre in 2013 con Jay Dobkin in le parte de Sam Dolgoff).
In su ultime annos illa proprie ha scripte le ultime cinco ludos nove que illa ha dirigite pro The Living Theatre: Red Noir (que debutava in 2009, basate in le libro de poesia Red Noir per Anne Waldman, con Vinie Burrows e Sheila Dabney in rolos central), Korach (2010), The History of the World (2011), Here We Are (2012), e No Place to Hide (2013).
![]() |
Wikimedia Commons ha files multimedia de: Judith Malina |
© MMXXIII Rich X Search. We shall prevail. All rights reserved. Rich X Search