Adolf Hitler | |
---|---|
![]() Ni Hitler idi 1937 | |
Führer iti Alemania | |
Nagakem 2 Agosto 1934 – 30 Abril 1945 | |
Inunaan ni | Paul von Hindenburg (a kas ti Presidente) |
Sinaruno ni | Karl Dönitz (a kas ti Presidente) |
Kansilier ti Alemania | |
Nagakem 30 Enero 1933 – 30 Abril 1945 | |
Presidente | Paul von Hindenburg |
Deputado |
|
Inunaan ni | Kurt von Schleicher |
Sinaruno ni | Joseph Goebbels |
Dagiti bukod a salaysay | |
Naiyanak | Braunau am Inn, Austria–Hungria | Abril 20, 1889
Natay | Abril 30, 1945 Berlin, Alemania | (tawen 56)
Gapu ti ipupusay | Nagpakamatay |
Pakipagilian |
|
Partido ti politika | Nailian a Sosialista a Partido ti Agob-obra nga Aleman (1921–1945) |
Dadduma a kumadduaan iti politika | Partido ti Agob-obra nga Aleman (1920–1921) |
A(s)sawa | Eva Braun (29–30 Abril 1945) |
Trabaho | Politiko, soldado, artista, mannurat |
Dagiti gunguna |
|
Pirma | ![]() |
Serbisio iti militar | |
Tumalekan | ![]() |
Serbisio/sanga | ![]() |
Tawtawen iti serbisio | 1914–1918 |
Ranggo | Gefreiter |
Yunit | Maika-16 a Nailatangan a Rehimiento ti Babaro |
Bakbakal/gubgubat | Umuna a Sangalubongan a Gubat |
Ni Adolf Hitler (20 Abril 1889 – 30 Abril 1945) ket naiyanak idi nga Austriano, Aleman a politiko ken ti daulo iti Nailian a Sosialista a Partido ti Agobobra nga Aleman (Aleman: Nationalsozialistische Deutsche Arbeiterpartei (NSDAP), kadawyan a makunkuna a ti Nasi a Partido). Isu idi ti kansilier ti Alemania manipud idi 1933 aginggana idi 1945, ken diktador iti Nasi nga Alemania (a kas iti Führer und Reichskanzler) manipud idi 1934 aginggana idi 1945. Ni Hitler ket kadawyana a naikumadua ti pannakabangon iti pasísta idiay Europa, Maikadua a Sangalubongan a Gubat, ken ti Holokausto.
Maysa a naarkosan a beterano iti Umuna a Sangalubongan a Gubat, ni Hitler timmipon ti Partido ti Agobobra nga Aleman, ti nagpauna iti Nasi a partido, idi 1919, ken nagbalin a daulo iti NSDAP idi 1921. Idi 1923 nagpadas isuna ti kudetá, ti makunkuna a Beer Hall Putsch, idiay Munich. Ti napaay a kudetá ket isu ti nagbanagan a panakaibalud ni Hitler, nga iti daytoy a panawen ket sinurat na ti naisurat a panglaglagip, a Mein Kampf (Ti Panagsagabak). Kalpasan ti panakawayawayaan na idi 1924, ni Hitler ket nakaganab ti suporta babaen ti panagiyaddang na ti Pan-Hermanismo, antisemitismo, ken kontrakommunismo nga addaan isuna ti natagirayad a panagbitla ken Nasi a propaganda. Kalpasan ti panakitudon na a kas ti kanselor idi 1933, binaliwan na ti Weimar a Republika iti Maikatlo a Reich, maysa daytoy a maymaysa a partido diktadora a naibatay iti totalitario ken autokratiko ideolohia iti Nasismo. Ti naisawangna a panggep idi ket ti agipabangon ti maysa a Baro nga Urnos iti kapulosan a Nasi nga Aleman a hegemonia (panagsakup) iti kontinental nga Europa.
Dagiti gangganaet ken domestiko nga annuroten ni Hitler ket addaan iti pagtungpalan iti panaggemgem ti Lebensraum ("pagtaengan a lugar") para iti Hermaniko a tattao. Isu ti nangiturong ti panagarmas manen ti Alemania ken ti panagraut iti Polonia babaen ti Wehrmacht idi Septiembre 1939, a nagbanagan daytoy ti panagrugi Maikadua a Sangalubongan a Gubat idiay Europa. Babaen ti panagturay ni Hitler, idi 1941 dagiti puersa ti Alemani ken dagiti kumaduaan a Europeano kaaduan a sinakopda ti Europa ken Amianan nga Aprika. Dagitoy a naganganab nain-inut a naipasubli, ken idi 1945 dagiti Kumadua a buyot ket inabakda ti buyot ti Alemania. Dagiti supremasista ken pinakapuli a pagayatan nga annuroten ni Hitler ket nagbanagan dagiti sistematiko a panagpapatay kadagiti sangapulo ket maysa a riwriw a tattao, a mairaman dagiti gangani nga innem a riwriw a Hudio.
Iti panungpalan nga al-aldaw iti gubat, idi agdama ti Gubat iti Berlin idi 1945, ni Hitler ket inasawana ti nabayagan a kamalalana, ni Eva Braun. Idi 30 Abril 1945, kalpasan ti basbassit ngem dua nga aldaw, dagitoy dua ket nagpakamatayda tapno saanda a matiliw babaen ti Nalabbaga a Buyot, ken dagiti bangkayda napuoran.
© MMXXIII Rich X Search. We shall prevail. All rights reserved. Rich X Search