Archaeplastida | |
---|---|
![]() | |
Kaykayo, ruruot ken algas iti ken iti likmut ti Karayan Sprague, Oregon | |
Taksonomia ![]() | |
Dominio: | Eukaryota |
(di nairanggo): | Diaphoretickes |
(di nairanggo): | Archaeplastida Adl et al., 2005[1] |
Dagiti subgrupo | |
| |
Kapada a nagan | |
|
Ti Archaeplastida (wenno pagarian Plantae sensu lato) ket dagiti nangruna a grupo dagiti autotropiko nga eukaryote, a mangiraman kadagiti nalabbasit nga algas (Rhodophyta), ti berde nga algas, ken dagiti ,ula ti daga, a kumuyog kadagiti bassit a grupo ti uniselular nga algas iti nasadiwa a danum a makunkuna a dagiti glaucophyta.[3] Amin dagitoy nga organismo nga addaan kadagiti kloroplasto a napalikmutan babaen dagiti dua a kulanit, a mangisingasing a dagusda a naala manipud iti endosimbiotiko a cyanobakteria. Kadagiti amin a sabali a grupo malaksid ti amoeboid a Paulinella chromatophora, napalikmutan ti kloroplasto babaen dagiti tallo wenno uppat a kulanit, a mangisingasing a sekondarioda a naala manipud iti nalabbasit wenno berde nga algas.
Dagiti selula ti Archaeplastida ket kadawyanda nga awanan kadagiti sentriolo ken addaan iti mitokondria nga agraman kadagiti nadalumpinas a crista. Kadawyanda nga addaan kadagiti selula a diding a mairaman ti selulosa, ken ti kanen ket maipenpen iti porma ti almidon. Nupay kasta, dagitoy a pannakailasin ket maibingayda pay kadagiti sabali nga eukaryota. Ti nangruna nga ebidensia a ti Archaeplastida ket mangporma iti maysa a monopiletiko a grupo ket agtaud manipud kadagiti henetiko a panagadal, a nangibagbaga a dagiti bukodda a plasto ket mabalin nga addaan iti bugbgtong a nagtaudan. Masuppiatan daytoy nga ebidensia.[4][5] Iti nakaibatayan ti agdama nga ebidensia, daytoy ket saan a mabalin a mapasingkedan wenno masuppiat dagiti alternatibo a senario iti bugbugtong a kangrunaan nga endosimbiosis.[6] Dagiti potosintetiko nga organismo nga agraman kadagiti plato iti sabali a nagtaudan (kas ti kayumanggi nga algas) ket saan a maitagikua iti Archaeplastida.
Maikabil dagiti archaeplastida kadagiti dua a nangruna nga ebolusionario a linia. Napigmentuan dagiti nalabbasit nga algas iti kloropila a ken dagiti pikobiliprotina, kas kaaduan kadagiti cyanobakteria, ken agurnongda iti almidon iti ruar dagiti kloroplasto. Ti berde nga algas ken dagiti mula ti daga – agkuyogda nga ammo a kas Viridiplantae (Latin para iti "berde a mulmula") wenno Kloroplastida – ket mapigmentuanda kadagiti kloropila a ken b, ngem awanda kadagiti pikobiliprotina, ken maurnong ti almidon iti uneg dagiti kloroplasto.[7] Dagiti glaucophyta ket addaan kadagiti kadawyann a cyanobakteriaa pigmento, ken karkarnada iti panagtalinaay iti maysa a selula a diding iti kaunegan dagiti plastoda (matawtawagan iti cyanelles).[1]
Nasken a saan a maiyallilaw ti Archaeplastida iti nadadaan ken saanen a maus-usar a nagan nga Archiplastideae, a mangibaga iti cyanobakteria ken dagiti sabali a grupo ti bakteria.[8][9]
© MMXXIII Rich X Search. We shall prevail. All rights reserved. Rich X Search