| Politika ti Filipinas |
|---|
 |
Dagiti Lehislatibo a Distrito iti Bulacan, ket isu dagiti umuna, maikadua, maikatlo ken maikapat a distrito, isu dagitoy ti agdama a pannakabagi ti probinsia ti Bulacan iti Kamara dagiti Pannakabagi ti Filipinas.
Ti probinsia ket nabingbingay idi kadagiti dua a distrito t pannakabagi aginggana idi 1972. Kalpasan ti pannakainayonna iti kabarbaro a naurnos a Lugar ti Metropolitano a Manila idi Nobiembre 7, 1975 babaen ti Bilin ti Presidente Blng. 824, ti ili ti Valenzuela ket naisina idi manipud iti Bulacan ken saanen a paset ti pannakabagi ti probinsia idi rugi ti 1978.
Ti Bulacan ket nairepresenta idi iti Interim Batasang Pambansa a kas paset ti Rehion III manipud idi 1978 aginggana idi 1984, ken nagbutos kadagiti uppat a sapasap a pannakabagi iti Kadawyan a Batasang Pambansa idi 1984. Idi Pebrero 11, 1987, ti probinsia ket naidistrito manen kadagiti uppat a kongresional a distrito babaen ti baro a Batay-linteg, ken nagbutos kadagiti kameng ti naipasubli a Kamara dagiti Pannakabagi a nangrugi iti isu met laeng a tawen.
Uray no ti Siudad ti San Jose del Monte ket naisina idi manipud iti maikapat a distrito ti probinsia tapno mangporma iti bukodna a kongresional a distrito babaen ti Republik aTignay Blng. 9230 Naiyarkibo 2011-06-29 iti Wayback Machine a napasingkedan idi Disiembre 18, 2003, dagiti agtaeng iti siudad ket agbutbutosda pay laeng a kas paset ti maika-4 a distrito ti Sangguniang Panlalawigan ti probinsia para iti panggep a panagbutos kadagiti kameng ti SP.[1][2]
Ti Republika Tignay Blng. 9591, a napasingkedan idi Mayo 1, 2009, ket maipanggep iti panangisina ti siudad ti Malolos manipud iti umuna a distrito tapno mangporma ti bukodna a kongresional a distrito a mangrugi kadagiti panagbubutos idi 2010. Kasla iti kaso ti San Jose del Monte, dagiti agtataeng ti Malolos ket agbutosda pay laeng para iti umuna a distrito ti Sangguniang Panlalawigan a kas paset ti probinsia . Nupay kasta, idi Enero 28, 2010, ti Kangatuan a Korte ket nangirangarang a ti pannakapartuat ti Lehislatibo a Distrito ti Siudad ti Malolos ket saan a nakasabat ti bilang ti populasion ti siudad iti 250,000 a nasken a masapul babaen ti batay linteg. Ti Malolos agtultuloy a paset ti umuna a distrito.[3]
- ^ "COMELEC Resolution 7801 – Annex B" (PDF). Naiyarkibo manipud iti kasisigud (PDF) idi 2008-05-30. Naala idi 2013-10-08.
- ^ COMELEC – 2010 a Panangidistrito manen ti – Rehion III
- ^ "Archive copy". Naiyarkibo manipud iti kasisigud idi 2011-06-06. Naala idi 2013-10-08.
{{cite web}}: Panagtaripato ti CS1: naiyarkibo a kopia a kas titulo (silpo)
© MMXXIII Rich X Search. We shall prevail. All rights reserved. Rich X Search