Golpo ti Oman

Ti Golpo ti Oman wenno Baybay ti Oman (Arabiko: خليج عُمان‎—Ḫalīdj ʾUmān; alternatibo nga ammo a kas خليج مکران—, Ḫalīdj Makrān; iti Persiano: دریای عمان Daryā-ye Ommān, wenno دریای مکران Daryā-ye Makrān, wenno دریای پارسDaryā-ye Pārs; iti Urdu: خلیج عمان‎‎ Khaleej Oman) ket ti lingsat (ken saan a pudno a golpo) a mangikapet iti Baybay Arabiano iti Lingsat ti Hormuz, ken kalpasanna mapan iti Golpo Persiano. Daytoy ket kadawyan a mairaman a kas sanga ti Golpo Persiano, ken saan a kas ima ti Baybay Arabiano. Ti golpo ket pagbeddenganna ti Pakistan ken Iran iti amianan, ti Oman iti abagatan, ken ti UAE iti laud.