Pelikula

Ti pelikula, wenno makunkuna pay ti sine ket dagiti panagsasaruno dagiti natalinaay a ladawan a no maipakita iti pagbuyaan daytoy ket agpartuat kadagiti alliaw dagiti aggungunay a ladawan. Ti pelikula timapartuat babaen ti panagretrato kaagiti pudno a senario iti maysa a kamera ti aggungunay a ladawan; babaen ti panagretrato kadagiti panangiladawan wenno dagiti bassit usit a modelo nga usaren dagiti tradisional a pamay-an ti animasion; babaen ti pamay-an ti CGI ken animasion ti kompiuter; wenno babaen ti panagtitipon ti mano kadagitoy wenno amin kadagitoy a pamay-an ken dagiti dadduma pay a makita a pangibanagan. Ti proseso ti panagaramid ti pelikula ket arte ken maysa nga industria. Dagiti pelikula ket kasisigud idi a mangirekord iti plastik a kulapot a naipabpabuya idi babaen ti proyektor ti sine iti dakkel a pagbuyaan; dagiti kabarbaro a pamay-an ket mabalinda nga agusar laeng ti dihital a panagaramid ti sine ken panagipenpen, kasla iti kamera ti Red One a mangirekord iti hard-disk wenno flash cards.