Presidensial a sistema

Ti presidensial a sistema wenno presidensialismo ket ti sistema ti gobierno a ti daulo ti gobierno ket isu pay ti daulo ti estado ken mangidaulo iti maysa nga ehekutibo a sanga a nailasin manipud iti lehislatibo a sanga. Kas pagarigan, ti Estados Unidos, ket addaan iti presidensial a sistema. Nabutosan ti ehekutibo ken masansan a natituluan iti "presidente" ken saan nga akinrebbeng iti lehislatura ken saanna a mabalin, kadagiti kadawyan a pasamak, a pugsayen daytoy. Ti lehislatura ket mabalin nga addaan iti karbengan, kadagiti nakaro a kaso, ti mangpugsay iti ehekutibo, babaen ti panangidarum ti pangulo. Nupay kasta, dagiti kasta a panangipugsay ket manmano a makitkita tapno saan a maikontradikto iti patpatien ti presidensialismo, a kadagiti kadawyan a pasamak nga agus-usar kadagiti kadawyan a pamay-an ti lehislatura ket sanna a mabalin a pugsayen ti ehekutibo.