Al Manamah

Al Manamah
Moderna edifici en Al Manamah.
Lando:	Bahrain
Informo:
Latitudo:	26°13' N
Longitudo:	50°35' E
Surfaco:	27 km²
Habitanti:	157 474 (2010)
Denseso di habitantaro:	5200 hab./km²
Horala zono:	UTC+3
Urbestro:	Hamad bin Isa Al Khalifa
• Al Manamah

Al Manamah esas la chef-urbo e maxim populoza urbo di Bahrain. Segun statistiki de 2010, ol havis 157 474 habitanti. Lua tota surfaco esas 27 km².

De longa tempo, ol esabas importanta portuo che la Persiana gulfo e havas diversa habitantaro. Pos epoki en ke ol kontrolesis dal Portugalani e pose dal Persiani, Bahrain fine establisis su kom nedependanta naciono dum la 19ma yarcento, sub Britaniana hegemonio.

Malgre ke la jemela urbi Al Manamah e Muharraq semblis fondesir samatempe dum la yari 1800ma, Muharraq konsideresis plu importanta pro lua strategiala lokizo e fortifikesis, esinte la chef-urbo dil rejio til 1921. Altralatere, Al Manamah divenis la "komercala chef-urbo", e pose anke la politikala chef-urbo.

Al Manamah havas multa universitati publika e privata, exemple l'universitato Ahlia, l'Universitato pri Aplikata Cienci, l'Universitato dil Gulfo di Arabia, edc. L'urbo selektesis la Chef-urbo dil Araba Kulturo en 2012, dal Araba Ligo.