Matematiko (de la Greka μάθημα, máthēma, "konoco", "studio", "lernado") inkluzas la studio di quantesi (teorio pri nombri), strukturo (algebro), spaco (geometrio) e kalkulo. Ol havas nula defino generale aceptata.
Matematikisti serchas ed uzas modeli por formulizar nova konjekti. Li verifikas la vereso o falseso di ca modeli per matematikala probi.
La bazo di pura matematiko es l'abstrakta studio di quanteso, e tale inkluzas la teorio pri nombri (aritmetiko) e lua plu ampla realigo (algebro). La temi deskriptata kolektive kom geometrio subdividesas en analitikala geometrio, euklidana geometrio, ne-euklidana geometrio, trigonometrio e kelkafoye topologio. La temi deskriptata kolektive kom analizo (partikulare kalkulo e kelka aspekti di analitikala geometrio e vektor-analizo). En moderna matematiko, multa de ca subjekti traktesas segun la termini di ensemblo-teorio.
Aplikata matematiko koncernas l'apliki di ca abstrakta cienco. Ol partale asociesas kun fiziko ed injeniorarto. Specala temi inkluzita es booleana algebro (apliko di ensemblo-teorio a logiko - videz Boole, George); ludo-teorio; informo-teorio; probableso; statistiko; e vektor-analizo.
Naturala nombri | Integra nombri | Racionala nombri | Vera nombri | Komplexa nombri |
Kelka notora matematikisti en la historio:
© MMXXIII Rich X Search. We shall prevail. All rights reserved. Rich X Search