Zeus

Zeus esis la chefa deo de la Greka religio e mitologio, habitante la Monto Olimpos. Ilu esis la filiulo di Kronos e Rhea, du Titani, e la fratulo di Hera, Poseidon, Ades, Demeter e Hestia. Il esis la maxim yuna dil Olimpiani, ma kelkfoye il konsideresis anke la maxim olda, nam il ne "naskis" itere de la ventro di Kronos quale sua frati. Il esis deo di la potenco, la cielo e la tondro. Ilua atributi esas la fulmino, l'aglo, la tauro, la querko e la ceptro.

Pro ke ilua patro Kronos sempre manjis sua filii, Rea, la matro di Zeus e ilua frati, genitas ilu sur l'insula Kreta e trompis Kronos per donar al il petro en tuki (quale jus naskit infanto). Zeus kreskis en kaverno da kaprino ed pose vinkis Kronos, liberigis sua frati e divenis deestro.

Zeus pose su mariajis kun Hera, sua fratino, ma ne esis fidela spozulo ed ofte kopulacis kun altri.

Ilua Romana analogo esis Jupiter.