Indland

Lýðveldið Indland
भारत गणराज्य Bhārat Ganarājya
Fáni	Skjaldarmerki
Kjörorð: Satyameva Jayate (sanskrít) Sannleikurinn einn sigrar
Þjóðsöngur: Jana Gana Mana
Höfuðborg	Nýja-Delí
Opinbert tungumál	Hindí, enska og 21 annað tungumál
Stjórnarfar	Lýðveldi, sambandsríki
Forseti	Droupadi Murmu
Forsætisráðherra	Narendra Modi
Sjálfstæði
• frá Bretlandi	26. janúar 1950
Flatarmál  • Samtals  • Vatn (%)	7. sæti 3.287.469 km² 9,6%
Mannfjöldi  • Samtals (2018)  • Þéttleiki byggðar	2. sæti 1.352.642.380 368/km²
VLF (KMJ)	áætl. 2013
• Samtals	4.962 millj. dala (3. sæti)
• Á mann	3.991 dalir (133. sæti)
VÞL (2012)	0.554 (136. sæti)
Gjaldmiðill	Indversk rúpía
Tímabelti	IST (UTC +5:30)
Þjóðarlén	.in
Landsnúmer	+91

Indland er annað fjölmennasta land jarðarinnar og það sjöunda stærsta að flatarmáli. Þar búa yfir 1,3 milljarðar manna (júní 2018) eða um 17,5% jarðarbúa. Landið markast af Indlandshafi í suðri, Arabíuhafi í suðvestri og Bengalflóa í suðaustri. Á síðustu 20 árum hefur Indland vaxið mikið bæði hvað varðar fólksfjölda og áhrif á svæðinu. Indland er langfjölmennasta lýðræðisríki heimsins og vaxandi hernaðarveldi. Það hefur yfir að ráða kjarnorkuvopnum og einum stærsta herafla heimsins. Indland er 3,3 milljón ferkílómetrar að stærð. Þar eru töluð um 200 tungumál.

Landið er í Suður-Asíu með 7000 km langa strandlengju við Indlandshaf. Indland á landamæri að Pakistan í vestri, Kína, Nepal og Bútan í norðaustri, Mjanmar og Bangladess í austri. Srí Lanka, Maldíveyjar og Indónesía eru nærliggjandi eyríki í Indlandshafi. Andaman- og Níkóbareyjar tilheyra Indlandi.

Á Indlandi voru mörg af elstu siðmenningarsamfélögum heims og landið hefur getið af sér fjögur af stærstu trúarbrögðum okkar samtíma: hindúatrú, búddatrú, jainisma og síkisma. Landið var hluti af Breska heimsveldinu frá 19. öld til 1947 þegar það hlaut sjálfstæði.