Kingdom a Spien Reino de España | |||
| |||
![]() | |||
Jinaral Infamieshan | |||
Kiapital: | Majrid | ||
Ofishal langwij: | Panish | ||
Adminischrieshan | |||
Govament: | |||
• Manak: | Felipe VI | ||
• Praim Minista: | Pedro Sánchez | ||
Ieria: | 504,645 km² | ||
Papiulieshan: | 47,007,367 (2018) | ||
Densiti: | 92.91 piipl/km² | ||
Adaels sitn | |||
Koransi: | Euro (EUR) | ||
Kaalin kuod: | +34 | ||
ISO 3166 kuod: | 724 / ESP / ES | ||
Intanet TLD: | .es |
Spien (Panish: España; Katalan: Espanya) a wah konchri we de ina di soutwes a Yuurop ina di Aibirian Peninsiula. Di kiapital a Spien, we niem Majrid, de ina di senta a di konchri. Di mienlan ab wah sout ah hiis baada wid di Meditarienian Sii exep fi wah sumaal bongjri a lan wid Jibralta; a di naat we Frans, Anduora, ah di Bie a Biskie de; ah a di naatwes ah wes we di Atlantik Uoshan ah Puotigal de. Di Panish terichridem a: Di Balierik Ailanz ina di Meditarienian, di Kianieri Ailanz ina di Atlantik aafa di Afrikan kuos, ah di tuu sitidem we de ina Naat Afrika, Meliya (Panish: Melilla) ah Siuta (Panish: Ceuta) we baada Marako. Wid wan ieria a 504,030 km², Spien a di sekan laajis konchri we de ina Wes Yuurop ah di Yuropian Yuunian afta Frans.
Kaaz a we Spien de, iget nof influens frah ada kolchadem. Siem wie Spien eh-influens uoliip a kolcha ina di Madan Era wen iton gluobal empaya we lef legisi fi uoba 400 milian smadi we chat Panish tide.
Spien a wah dimakrasi we aaganaiz ina di faam a paalimenchri gobament anda kanstityuushanal manaaki. Ia divelop konchri wid di sixt laajis ikanami bai naminal GDP. Spien a memba a di Yunaitid Nieshanz, Yuropian Yuunian, NATO, OECD, ah WTO.
© MMXXIII Rich X Search. We shall prevail. All rights reserved. Rich X Search