Alexander Stubb

Alexander Stubb, vulgo plene Cai-Göran Alexander Stubb (natus die 1 Aprilis 1968) est praeses Finniae ab 1 Martii 2024.

Alexander Stubb Helsingiae natus est, patre Suecico, matre Finnica. Est alumnus universitatis Furman Carolinae Meridianae, magister Collegii Europaei (ubi postea docuit), doctor Scholae Oeconomicae Londiniensis. Legatus est ad Parlamentum Europaeum pro circulo Finnico a die 20 Iulii 2004 usque ad 3 Aprilis 2008. Die insequenti munus ministri rerum externarum Finnici suscepit et usque ad diem 22 Iunii 2011 tenuit, primis ministris Matti Vanhanen et Mari Kiviniemi. Statim minister rerum Europaearum commerciique externi factus est, primo ministro Jyrki Katainen. Quo ab officio suo anno 2014 discedente, Alexander Stubb, iam ante decem dies praeses factionis coalitionis nationalis (Kokoomus) electus, primus minister promotus est. Die 28 Aprilis 2015 dimissionem petivit. A die 29 Maii eiusdem anni minister vectigalium meruit, primo ministro Juha Sipilä, usque in diem 22 Iunii 2016.

Die 1 Martii 2024 praeses inductus est.