Amoeba est genus protozoorum, quod formam suam mutare potest. Primo inventa est ab Augusto Rösel anno 1757, quo tempore Proteus animalculus appellatus est. Nomen amoeba ex verbo Graeco ἀμοιβή 'permutationem' significante fictum est.
Clarissima species est Amoeba proteus 700–800 µm longa. Maxima species Amoeba dubia 1 mm longa oculis videri potest. Amoebae porriguntur magnum pseudopodium tubiforme a fronte procedens, quo adhaerendo moventur, praeterea habent et nonnulla pseudopodia minora lateralia.
Cytoplasma et organella cellularum membrana circumdantur, cibum ut praedam pseudopodiis circumfluendo sumere solent (phagocytosis).
Complures Amoebae simplicia vacuola contractilia ad pressionem osmoticam aequandam habent. Cibum etiam in vacuolis conservant et digerunt.
Multiplicantur asexualiter (per mitosim & cytocinesim), cum tamen vi dividuntur, sola supererit pars nucleum continens, altera pars moriebitur.
Temporibus adversis amoebae se in cystas mutant ad se ipsos protegendos aliquod tempus dormientes.
Complures species amoebarum morbificae sunt.
© MMXXIII Rich X Search. We shall prevail. All rights reserved. Rich X Search