Computatrum

Computatra et apparatus computandi ex variis aetatibus. ¶ Summus ordo: Automatica machina calculatoria (1820) (machina differentiarum) et computatrum aetatis primae (computatrum colossus) ¶ Ordo medius: primum tuborum inanium computatrum (ENIAC) et supercomputatrum (IBM Summit) ¶ Ordo imus: cartibulum visificum lusorium (Nintendo GameCube) et Smartphone (LYF Water 2).

Computatrum,^[1] sive (instrumentum) computatorium,^[1] sive ordinatrum,^[2][1] est machina digitalis et electronica quod programmari potest ut sequentias arithmeticas vel logicas (computationes) automatarie faciat. Computatra hodierna genericas operationum copias exsequi possunt, quae programmata appellantur, propter quae computatra varia pensa efficere possunt. Omnis apparatus computatralis est congeries elementorum quae computatrum formant; quae plerumque sunt memoria interna, systema internum (corpus programmatum), et peripherica, arma ad computatrum plene et recte operandum necessaria. Hoc vocabulum etiam ad copiam computatrum quae coniunguntur ut una operentur, sicut reticulum computatrale et fasciculus computatrorum.

Genus computatrorum quod quocumque facile portari potest computatrum gestabile nuncupatur.