Familia
Elisabetha, vulgo Elizabeth Mary sed saepissime Liz Truss (nata die 26 Iulii 1975) est politica Britanniae Factionis Conservativae, quae die 6 Septembris 2022 prima ministra Elizabethae II reginae creata est.
Elisabetha Truss ad Paisley Scotiae breviusque prope Vancuverium in Canada educata est, sed denuo Ledesiae in urbe Angliae, ubi pater professor artis mathematicae in universitate fuit. Alumna est Collegii Mertonensis apud Oxonienses ubi politicae, philosophiae et oeconomicae studuit. Fuit conciliaria municipalis burgi Grenovici annis 2006-2010. Eodem fere tempore apud societatem inquisitionum politicarum Reform operam dedit. A die 6 Maii 2010 legata est ad Parlamentum Britannicum pro circulo Norfolciae meridio-occidentalis. A die 4 Septembris 2012 vice-secretaria parlamentaria meruit ab educatione et eruditione (sub secretario civico Michaele Gove).
A die 15 Iulii 2014 secretaria civica a circumiectu et rebus rusticis, primo ministro Davide Cameron, atque a die 14 Iulii 2016 secretaria civica ab iustitia et domina cancellaria meruit, prima ministra Theresa May. Cui successor Boris Johnson tria officia inter 2019 et 2022 Elisabethae Truss confidit, videlicet minister commercii internationalis a die 24 Iulii 2019, rerum externarum a die 15 Septembris 2021, minister a mulieribus eisdem annis inter 10 Septembris 2019 usque in Septembrem 2022.
Dux factionis conservativae a sodalibus huius factionis electa est dieque 14 Septembris 2022, Borisio Johnson successor, prima ministra inaugurata est. Pluribus collegis e ministeriis suis reiectis, consilium ministrorum praesertim e fautoribus suis selegit.[1] Mutationibus regimini vectigalium inconsulte factis, cito demissione comminata est. Amicum ergo Kwasi Kwarteng, nuper cancellarium (ministrum vectigalium) creatum, post quinque hebdomadas ex officio deiecit atque Ieremiam Hunt substituit, qui magnam partem propositionum de vectigalibus, nuper a Truss et Kwarteng elaboratarum, statim adnullavit.[2] Secretariam civicam rerum internarum Suellam Braverman die 19 Octobris 2022 demisit, sed, dissentionibus semper crescentibus, ipsa die insequenti demissionem protulit.[3]
© MMXXIII Rich X Search. We shall prevail. All rights reserved. Rich X Search