Episcopus

Haec pagina munere ecclesiastico tractat. Si aliud quaeris quod etiam “Episcopus” appellatur, vide Episcopus (discretiva).

Episcopus (Graece ἐπίσκοπος 'inspector') est praesul ecclesiae, qui pro fidelibus in Christi persona agit. In Ecclesia Catholica Romana, episcopatus est summus ordo in sacramento ordinum sacrorum; in Ecclesia Anglicana, sacri ordines sunt unum e quinque sacramentis non biblicis. Iuxta Sanctae Romanae Ecclesiae morem, episcopi et pontifices et antistites vocantur, quia summi sacerdotes sunt.