Groenlandia

Groenlandia

Res apud Vicidata repertae:

autonomous country within the Kingdom of Denmark, circulus comitialis, insularis, territorium obnoxium seu separatum
Civitas: Dania
Locus: 72°0′0″N 40°0′0″W
Nomen officiale: Kalaallit Nunaat
Situs interretialis

Fines

Procuratio superior: Dania
Territoria finitima: Canada, Nunavut, Islandia, Norvegia

Forma

Area: 2 166 086 chiliometrum quadratum
Caput: Nuuk
Subdivisiones: Sermersooq, Kujalleq, Qeqqata, Northeast Greenland National Park, Avannaata, Qeqertalik

Gestio

monarchia parlamentaria
Praefectus: Múte Bourup Egede
Consilium: Inatsisartut

Vita

Incolae: 56 609
Sermo publicus: lingua Groenlandica
Zona horaria: UTC, UTC−01:00, UTC-2, UTC-3, UTC-4
Moneta: corona Danica

Commemoratio

Paean: Nuna asiilasooq

Sigla

ISO GL, GRL, 304; IOC
Dominium interretiale: .gl
Praefixum telephonicum: +299

Groenlandia^[1], vel Grönlandia^[2], Gronlandia^[3][4], etiam Gruntlandia^[5], sive Terra Viridis^[1][6][7], nonnumquam Ultima Thule (Groenlandice Kalaallit Nunaat ; Danice Grønland), est maxima orbis terrarum insula (quae non continens putatur), pars Americae Septentrionalis, in Circulo Polari Arctico, paene in medio Oceano Atlantico Septentrionali sita inter Europam (Islandiam) et Americam septentrionalem (Canadam), et civitas libera. Aream 2 166 086 chiliometrorum quadratorum occupat. Maxima insulae pars est glacialis. Geographice Americani continentis pars est.

Groenlandia Coronae Norvegicae colonia usque ad annum 1814 fuit, quo ad Daniae dicionem transivit; anno 1953, Regni Danici pars per unionis personalis formulam facta est. Anno 1979, insulae autogubernatio^? (Danice hjemmestyre) a Concilio Populi (Danice Folketing) sive Parlamento Danico lege anno superiori probata concessa est. Daniae regina utcumque Gruntlandiae dux civitatis manet. Communitatis Oeconomicae Europaeae pars ex anno 1973 usque ad annum 1985 fuit, ubi eam relinquere per referendum decrevit.

Die 25 Novembris anni 2008, Terrae Viridis incolae referendum de gubernatione sui probaverunt quod libertatem in totum territorium extendit, cum gubernationi locorum competentias in legisfero iudicialique ambitu et in opum naturalium gestione transferret. Referendum, etsi obiectum reprehensionum fuit et Parlamentum Danicum non obligavit, ab hoc agnitum est; eius applicatio, quae effectum a die 21 Iunii anni 2009 habuit, magnum gradum erga libertatem constituit. Daniae dominium quod ad aerarium, relationes externas, et defensionem adhuc manet et quotannis subsidium (circiter 3.4 miliardorum coronarum, scilicet 30 centesimae PDG anni 2008) suppeditat.