Iamuna

Haec pagina de accola Gangis narrat. Si bracchium Brahmaputrae quaeris, vide Iamuna (Bangladesa).

Iamuna
Iamunae e templo Iainico in Batešvar prope Agram despectus
Longitudo	1376 chm
Altitudo fontis	4872 m
Decursus aquae	3480 m³/s
Area systematis	351 000 chm²
Fons	Iamunotri glaciarium Zaskar iugi
Ostium	Ganges
Regio	India (Uttarakhanda, Uttara Pradeśa, Hariyāṇā)

Iamūna^[1] (Hindice यमुना, yamunā, sed et जमुना, jamuna, dzhamuna) est flumen maximum in India. In Himalais, in glaciario Iamunotri iugi Zaskar incipit, per iuga humiliora ad meridiem vertens transit et in planitiem egreditur. Per civitates Indiae Uttarakhandam, Uttaram Pradeśam et Hariyāṇām fluit et 1365 chm longitudinis est. Dellium Indiae caput et Agra urbs vetus ad Iamunam siti sunt et Taj Mahal in ripa eius stat. In urbe Allahabado in Gangem effunditur. Eodem loco et flumen fabulosum Sarasvati cum Gange et Iamuna confluxisse dicitur.

↑ Caroli Mulleri Fragmenta historicorum Graecorum, vol II, p. 414; Latinitas, commentarii linguae Latinae excolendae provehendaeque, vol. 39, 1991, p. 117; et Yamuna — Musei Borgiani Velitris codices.., Romae 1793, p. 102

[1] Caroli Mulleri Fragmenta historicorum Graecorum, vol II, p. 414; Latinitas, commentarii linguae Latinae excolendae provehendaeque, vol. 39, 1991, p. 117; et Yamuna — Musei Borgiani Velitris codices.., Romae 1793, p. 102

[1]