Kay Ivey

Kay Ivey (Camden in oppido die 15 Octobris 1944 nata) est politica Alabamae, factionis republicanae sodalis.

Filia agricolae, Kay Ivey in oppido nativo educata atque apud universitatem Auburn erudita est. In California aliquot annos praeceptrix, deinde in Alabamam redita ab anno 1979 apud gubernium civitatis operam dedit. Thesauraria civica anno 2002, iterum 2006, gubernatrix vicaria^(en) anno 2010, iterum 2014 electa est. Die 10 Aprilis 2017 ad officium gubernatoris promota est, Roberto Bentley id officium eodem die renuntiante.