Marcus Tullius Cicero

Vide etiam paginam discretivam: Cicero (discretiva).

Res apud Vicidata repertae:

Nativitas: 3 Ianuarii 106 a.C.n.; Arpinum
Obitus: 7 Decembris 43 a.C.n.; Formiae
Patria: Roma antiqua

Familia

Genitores: Marcus Tullius Cicero; Helvia
Coniunx: Terentia, Publilia
Proles: Marcus Tullius Cicero, Tullia
Familia: Tullii Cicerones

Marcus Tullius Cicero (natus 3 Ianuarii 106 a.C.n.; mortuus 7 Decembris 43) fuit orator, philosophus, poeta, rhetor, vir rei publicae peritissimus, qui idem excellentissimus scriptor, peritus illius clari sermonis, aestimari solet.

Qui primus in gente Tullia Cicero appellatus est, cognomen traxisse dicitur a ciceribus, quod eius leguminis ferendi rationem optime calleret. Alii ab habitu faciei eum ita cognominatum putant, vel quod maculis ciceri similibus aspersus esset, vel quod in extrema nasi parte tuberculum figura ciceris habuerit.