Ordo Fratrum Minorum

Insigne ordinis crucem ligneam, duo bracchia cum stigmatibus, aliud (Francisci) in habitu ordinis, aliud (Iesu) nudum, supra nubem demonstrat.

Ordo Fratrum Minorum (litteris compendiariis OFM) est ordo ecclesiae Catholicae. Una cum Conventualibus et Capuccinis Primum Ordinem Franciscanum format. Regula ordinis a Sancto Francisco Assisiensi creata est, cum ordinem condiderit saeculo XII Asisii, in Umbria, in Italia.

Ut Fratres Minores aut Franciscani ante annum 1517, cum ordo in duos ramos divisus est, omnes fratres primi ordinis nominari possunt; postea sic dictis Observantibus (vide infra), qui tum a Sancta Sede soli legitimi ordinis heredes habiti sunt, sigillum ordinis et ius nominis Fratrum Minorum (O.F.M) rerservata sunt.