Pronomen personale

Pronomina personalia sunt pronomina quae describunt personas grammaticales. Haec pronomina personalia serviunt etiam pro pronominibus reflexivis, cum sententiae subiectum est eadem persona atque in praedicato.

Tertiae personae pronomen est defectivum, quod forma nominativa caret. Sed tertiam personam reddit pronomen demonstrativum is,ea,id, quod adhibetur, ut forma nominativa pronominis non-reflexivi tertiae personae detur. Praecipue autem genetivo huius pronominis (sc. eius, eorum/earum/eorum) possessor indicatur, cum pronomine possessivo (reflexivo) (sc. suus/sua/suum) utendum non est.