Familia
Ronaldus DeSantis, praenominibus plenis Ronald Dion sed saepissime Ron DeSantis (Jacksonville in urbe Floridae natus die 14 Septembris 1978) est politicus Civitatum Foederatarum.
E stirpe Italica ortus, in urbibus Orlando et Dunedin civitatis nativae educatus est. Alumnus est universitatum Yalensis et Harvardianae. In classe Civitatum Foederatarum ab anno 2004 usque in 2010 militavit et secundo bello Iracensi interfuit. Factionis republicanae sodalis, anno 2012 legatus est camerae repraesentantium pro districtu sexto Floridensi, sed anno 2018 candidatus est ad officium gubernatoris. Comitiis victor eo anno, iterum anno 2022, gubernator Floridae a die 8 Ianuarii 2019 meret.
© MMXXIII Rich X Search. We shall prevail. All rights reserved. Rich X Search